Обука за Негувател/ка на стари и немоќни лица
Вовед во курсот
Стекнете знаења и практични вештини за професионална грижа и поддршка на стари и немоќни лица. Преку теоретска и практична настава, ќе се оспособите за извршување на секојдневните активности поврзани со негата, безбедноста, здравствената грижа и психосоцијалната поддршка на корисниците.
- Основи на негата и грижата за стари и немоќни лица.
- Лична хигиена и секојдневна поддршка – помош при одржување на личниот изглед, облекување, исхрана и внесување течности.
- Безбедно движење и трансфер – правилно позиционирање, преместување и користење помагала за движење.
- Здравствена грижа и прва помош – следење на основните показатели на здравствената состојба и препознавање итни ситуации.
- Хигиена и превенција на инфекции – примена на хигиенски и безбедносни процедури.
- Комуникација и психосоцијална поддршка – развивање емпатија, трпение и професионален пристап.
- Организација на работата – планирање активности, водење основна документација и почитување на професионалната етика.
Обуката за Негувател/ка на стари и немоќни лица е наменета за сите кои сакаат да стекнат знаења и практични вештини за обезбедување квалитетна, безбедна и одговорна грижа за лица на кои им е потребна помош и поддршка во секојдневниот живот.
Програмата опфаќа основи на професијата негувател, безбедност при работа и превенција на инфекции, лична хигиена, исхрана и хранење, помош при движење и извршување на секојдневните активности. Посебно внимание се посветува на следењето на здравствената состојба, превенцијата на компликации, основите на првата помош и правилното постапување во итни ситуации.
Преку практични активности, учесниците ќе развијат вештини за комуникација со стари и немоќни лица, обезбедување психолошка поддршка, соработка со семејството и стручниот тим, како и организација на работните активности и водење основна документација.
Обуката е наменета за сите кои сакаат да се оспособат за работа во областа на негата и грижата за стари и немоќни лица, како и за оние кои сакаат да ги унапредат своите знаења и практични вештини за обезбедување поддршка во домашни услови или во установи за згрижување.
Преку комбинација од теоретска и практична настава, учесниците ќе се стекнат со компетенции за одговорно извршување на работните задачи, почитување на достоинството и приватноста на корисниците и обезбедување грижа приспособена на нивните индивидуални потреби.
Времетраење: 2 месеци
Часови: 3 пати неделно по 3 часа
Почеток: По формирање на група
Одржување: Битола
Цена: 28.000 денари (на 2 месечни рати или 24.000 денари при плаќање во готово)